ថ្ងៃច័ន្ទ ទី២៦ ខែតុលា ឆ្នាំ២០៥០
គេហទំព័រ ស៊ីអិនធីវីអនឡាញ
ខ្ញុំបាទ និងនាងខ្ញុំជាប្រជាពលរដ្ឋដែលបានអាស្រ័យផលជាក់ស្តែងនៅតំបន់ក្បាលឆាយក្រុម 17 ភូមិ 1 សង្កាត់ 1 ខេត្តព្រះសីហនុ ដែលមានឈ្មោះ ចាន់ សុខុម ឈ្មោះ សា វុទ្ធី ឈ្មោះ ឡេង ប៊ុនគូ និង ឈ្មោះហុង គឹមមួយ។🙏🙏🙏
Thu,08 October 2020 (Time 02:56 PM)
ដោយ ៖ ចាងហ្វាងកការផ្សាយ (ចំនួនអ្នកអាន: 16នាក់)

សូមគោរពនិងខន្តីអភ័យទោសដោយមិនបានមកបកស្រាយផ្ទាល់ជាមួយឯកឧត្តម ខ្ញុំបាទ នាងខ្ញុំព្យាយាមទៅសាលាខេត្តរង់ចាំ ឯកឧត្តម ដើម្បីធ្វើការបកស្រាយព្រោះធ្លាប់ឮប្រជាពលរដ្ឋសរសើរពេញមាត់ថា ឯកឧត្តម ជាមនុស្សតម្លាភាព និង គោរពច្បាប់តែមិនបានជួបសោះ ខ្ញុំបាទ នាងខ្ញុំទទួលរងនឹងការចោទប្រកាន់ពីមន្ត្រីក្រោមឱវាទរបស់ ឯកឧត្តម រៀបអន្ទាក់ដោយនិយាយផ្តេសផ្ដាស ថាគាត់ប្រមូលលុយអោយកូនថ្នាក់ដឹកនាំ រីឯជំទាវសុនមុំប្រមូលលុយអោយសម្ដេចតេជោពុក មន្រ្តីនោះប្រាប់នាងខ្ញុំថាបងឯងកំពុងដើរផ្លូវខុសហើយនាងខ្ញុំសួរគាត់ខុសយ៉ាងមិចគាត់ថាបងឯងដើរអីក៏វែងឆ្ងាយម្ល៉េះមេចមិនដើរផ្លូវកាត់អោយដល់សម្ដេចទៅនាងខ្ញុំតបវិញថាខ្ញុំធ្វើទៅតាមច្បាប់ព្រោះខ្ញុំមានផ្នូរសាច់ញាតិដូនតាមានដំណាំដាំដុះមានចិញ្ចឹមគោអាស្រ័យផលជាក់ស្ដែងជិតម្ភៃឆ្នាំមកហើយពិតៗមិនមែនដូចអ្នកខ្លះដីគេអត់មានអីសោះគេត្រូវប្រើលុយទៅសុំកាត់ឆ្វៀលអីចឹងហើយ ចំណែកឯ ឯកសារពួកខ្ញុំមន្ត្រីនោះឆ្លើយថានៅក្នុងដៃគាត់គាត់បានចារមិនប្រក្រតី អាស្រ័យផលក្នុងឆ្នាំ 2016 ក្រោយអនុក្រឹត្យ 116 អនក្រ.បក ចុះថ្ងៃទី០៥ ខែមិថុនា ឆ្នាំ២០១៦ ស្តីពីការបង្កើតតំបន់ប្រើប្រាស់ច្រើនយ៉ាងព្រែកទឹកសាបក្បាលឆាយ លាបពណ៌ឲ្យខ្ញុំបាទ នាងខ្ញុំ ក្លាយជាមនុស្សសំណង់អាណាធិបតេយ្យទៅវិញប្រហែលជាខ្ញុំបាទនាងខ្ញុំគ្មានលុយអោយមន្រ្តីក្រោមឱវាទនោះហើយ ទើបបានជាឯកសាររបស់ខ្ញុំបាទនាងខ្ញុំក្លាយទៅជាមិនប្រក្រតីដូច្នេះ។អាស្រ័យដូចបានជម្រាបជូនខាងលើ ខ្ញុំបាទនាងខ្ញុំជាប្រជាពលរដ្ឋ សូមលើកម្រាមដៃដប់សំពះអង្វរពីចម្ងាយ🙏🙏🙏🙏🙏🙏 សូមឯកឧត្តម មេត្តាពិនិត្យ និងស្រាវជ្រាវឯកសាររបស់ខ្ញុំបាទនាងខ្ញុំ និងផ្ដល់យុត្តិធម៌ ភាពត្រឹមត្រូវស្របច្បាប់ឲ្យខ្ញុំបាទនាងខ្ញុំដែលជាជនរងគ្រោះផង។ ខ្ញុំបាទនាងខ្ញុំមានជំនឿជឿជាក់ថាឯកឧត្តមនឹងមិនលើកលែងឲ្យមន្ត្រីក្រោមឱវាទណាដែលប្រើល្បិចកលធ្វើបាបប្រជាពលរដ្ឋដែលរស់នៅក្នុងខេត្តព្រះសីហនុក្រោមការដឹកនាំរបស់ឯកឧត្តមឡើយ ក្នុងនាមយើងខ្ញុំជាប្រជាពលរដ្ធចាត់ទុកឯកឧត្តមជាបីតាគំរូក្នុងខេត្តព្រះសីហនុទាំងមូលការពារកូនចៅមានតម្លាភាពប្រកាន់យុត្តិធម៌ប្រកបដោយគុណធម៌មេត្តាធម៌។🙏🙏🙏

សូមជម្រាបជូននូវសារបាណរឿងថា ខ្ញុំបាទនាងខ្ញុំបានទទួលសេចក្តីជូនដំណឹងចុះថ្ងៃទី 26 ខែកុម្ភៈឆ្នាំ 2020 ពីរដ្ឋបាលខេត្តព្រះសីហនុ ឲ្យប្រជាពលរដ្ឋមកចុះបញ្ជីដីធ្លីតាមរយៈលោកចៅសង្កាត់និងក្រសួងដែនដី ហើយពួកខ្ញុំក៏បានទៅចុះបញ្ជី តែខាងអាជ្ញាធរមិនទទួល គាត់ថាយើងខ្ញុំគ្មានឈ្មោះនៅក្នុងបញ្ជីនោះទេ ពួកខ្ញុំសួរថាហេតុអ្វីបានជាពួកខ្ញុំគ្មានឈ្មោះក្នុងបញ្ជី? មន្ត្រីក្រសួងថាដីបងនៅឯណា? ពួកខ្ញុំប្រាប់ដីពួកខ្ញុំ មានផ្នូរសាច់ញាតិ មានដំណាំដាំដុះ មានចិញ្ចឹមគោ អាស្រ័យផលជិត 20 ឆ្នាំហើយ សូម លោកមេត្តាចុះពិនិត្យឱ្យពួកខ្ញុំផង។ មន្ត្រីក្រសួងនោះក៏ទៅតាមការស្នើសុំមែន ពេលដែលគាត់ទៅដល់ឃើញផលដំណាំ ដាំដុះ ចិញ្ចឹម គោ និង ផ្នូរសាច់ញាតិ ជាក់ស្ដែងប្រាកដមែន ដូចនេះពួកគាត់ក៏បានណែនាំពួកខ្ញុំឲ្យទៅដាក់ពាក្យសុំអន្តរាគមន៍ ចុះបញ្ជីនៅច្រកចេញចូលតែមួយនៅក្រសួងដែនដី ពួកខ្ញុំក៏បានធ្វើតាមការណែនាំ ដោយបានទៅដាក់ពាក្យសុំចុះបញ្ជីនៅក្រសួង ពេលទៅដល់ក្រសួងខាងរដ្ឋបាលសួរខ្ញុំថាតាមរយៈអ្នកណាគេ? ពួកខ្ញុំឆ្លើយថាមកដាក់ពាក្យដោយខ្លួនឯង គាត់ក៏ទទួលពាក្យស្នើសុំចុះបញ្ជីទៅ។ ពួកខ្ញុំមានការព្រួយបារម្ភគិតថាមិនដឹងថាឯកសារខ្ញុំបានចូលដល់ដៃ ឯកឧត្តមឧបនាយករដ្ឋមន្ត្រី ឬ មិនដល់ទេ ព្រោះពួកខ្ញុំចូលដាក់ពាក្យដោយខ្លួនឯងយ៉ាងនេះ គ្មានអ្នកជួយចាត់ចែង ប៉ុន្តែនឹកស្មានមិនដល់ ០១អាទិត្យ ក្រោយមកខាងរដ្ឋបាលក្រសួងដែនដី បានហៅពួកខ្ញុំមកទទួលឯកសារដើម្បីបញ្ជូនទៅសាលាខេត្តព្រះសីហនុ ព្រោះជារដូវកូវីដ ឱ្យពួកខ្ញុំបញ្ជូនទៅសាលាខេត្តដោយខ្លួនឯង។ ពេលទៅដល់រដ្ឋបាលខេត្តព្រះសីហនុ ពួកខ្ញុំបានសួរខាងរដ្ឋបាលខេត្តថា “អូន! ខ្ញុំដាក់ឯកសារនេះ ប្រសិនបើខ្ញុំអត់មានអ្នកចាត់ចែង តើអាចដល់ដៃ ឯកឧត្តមអភិបាលខេត្ត ឬអត់? គាត់ថា “អត់អីទេបង បងដាក់តាមប្រជាពលរដ្ឋទៅ ឯកឧត្តមអភិបាលខេត្ត គាត់តម្លាភាពណាស់”។ ឯកឧត្តមអភិបាលខេត្តពិតជាតម្លាភាពប្រាកដមែន គឺបានប្រហែល ១០ថ្ងៃ មានខាងអន្តរវិស័យតេមកពួកខ្ញុំ ប្រាប់ថាឲ្យពួកខ្ញុំទៅចង្អុលបង្ហាញទីតាំងដីដើម្បីធ្វើការត្រួតពិនិត្យ រួចប៉ុន្មានថ្ងៃក្រោយមកក៏ហៅពួកខ្ញុំទៅធ្វើកំណត់ហេតុសួរផ្ទាល់មាត់ម្ដងទៀត ចាប់តាំងពីពេលនោះមកឯកសារខ្ញុំគឺបាត់ដំណឹងរហូត។

ក្រោយមកក៏បានឃើញដំណឹងនៅថ្ងៃទី០៣ ខែកក្កដា ឆ្នាំ២០២០ របស់ទីស្តីគណៈរដ្ឋមន្ត្រី យើងខ្ញុំដែលបានអាស្រ័យផលនៅតំបន់ក្បាលឆាយខេត្តព្រះសីហនុ សប្បាយចិត្តណាស់ អរគុណសម្តេចតេជោពុកហើយអរគុណទៀត ថាហេតុអ្វីក៏លោកល្អម្ល៉េះ យកចិត្តទុកដាក់ សុខទុក្ខប្រជាពលរដ្ឋ កាត់ឆ្វៀលដីឲ្យប្រជាពលរដ្ឋមានសិទ្ធិកាន់កាប់ស្របច្បាប់សប្បាយចិត្តទាំងអស់គ្នា ដូចនេះពួកខ្ញុំក៏បានមក
ដាក់ពាក្យស្នើសុំកាត់ឆ្វៀលម្តងទៀត យោងតាមអនុសាសន៍ដ៏ខ្ពង់ខ្ពស់របស់សម្តេចតេជោពុក ចាប់តាំងពីទទួលឯកសារពីក្រសួងឲ្យបញ្ជូនទៅសាលាខេត្តព្រះសីហនុ រហូតមកទល់ពេលនេះមានរយៈ

ពេលជិត ០៦ខែ ហើយដែលយើងខ្ញុំមិនទទួលបានដំណឹងអ្វីសោះក្រោយពីខាងអន្តរវិស័យបានចុះទៅត្រួតពិនិត្យ យើងខ្ញុំឧស្សាហ៍ទៅសាលាខេត្តដើម្បីតាមសួរថាឯកសារពួកខ្ញុំបានដល់ណាហើយ ខាងខេត្តថាបានបញ្ជូនចេញទៅក្រសួងវិញជិត ០២ខែ ហើយ នាងខ្ញុំរងចាំរហូតមកប្រហែល ០៤ខែ ដោយយល់ឃើញថាយូរពេក ពួកខ្ញុំក៏បានទៅតាមសួរនៅក្រសួងដែនដីទៀតថាឯកសារពួកខ្ញុំជិត ០៤ខែហើយ មិនឃើញមានការឆ្លើយតបអញ្ចឹង ខាងក្រសួងថា ឯកឧត្តមឧប- រវល់ណាស់មិនមែនមានតែរឿងបងឯងមួយទេ” ពួកខ្ញុំឆ្លើយថា “កន្លងមកពួកខ្ញុំដាក់តែ ០១អាទិត្យទទួលបានការឆ្លើយតបហើយ ឯកឧត្តមឧប- គាត់ល្អណាស់ មិនដែលផ្អិបឯកសារប្រជាពលរដ្ឋទេ ខ្ញុំប្រាប់ថាចង់ចូលផេករបស់គាត់ស្នើសុំ ឮដូច្នោះប្រហែលតែ ០១ម៉ោងក្រោយមក ខាងក្រសួងក៏តេមកឲ្យពួកខ្ញុំទៅទទួលយកឯកសារ ហើយប្រាប់ពួកខ្ញុំថារឿងនេះខាងក្រសួងបានបញ្ជូនទៅរដ្ឋបាលខេត្តតាំងពីថ្ងៃទី០៨ ខែកក្កដា ឆ្នាំ២០២០ មកម្ល៉េះ តែពួកខ្ញុំមិនដែលទទួលបានដំណឹងពីសាលាខេត្តអ្វីនោះទេ ទើបនៅថ្ងៃទី២៩ ខែកញ្ញា ឆ្នាំ២០២០ យើងខ្ញុំទៅតាមសួរនៅសាលាខេត្ត ទើប ខាងសាលាខេត្តប្រគល់លិខិតជម្រាបជូន ចុះថ្ងៃទី០៨ ខែកញ្ញា ឆ្នាំ២០២០ ឲ្យមកយើងខ្ញុំមានខ្លឹមសារថា “រដ្ឋបាលខេត្តព្រះសីហនុពុំមានសមត្ថកិច្ចក្នុងការកាត់ឆ្វៀលដីសាធារណៈរបស់រដ្ឋនោះទេ និងសូមធ្វើការណែនាំពួកខ្ញុំបញ្ឈប់រាល់សកម្មភាពទាំងឡាយនៅលើទីតាំងដីរបស់រដ្ឋចាប់ពីថ្ងៃទទួលបានសេចក្តីជូនដំណឹងនេះតទៅ។ យើងខ្ញុំជាប្រជាពលរដ្ឋល្ងង់ខ្លៅ មិនយល់ថាការដាក់លិខិតជម្រាបជូនមកដូច្នេះមានន័យដូចម្តេច ហើយក៏មិនឃើញមានយោងរបាយការណ៍ការរបស់ខេត្តដែលបញ្ជាក់ថាយើងខ្ញុំបានអាស្រ័យផលជាក់ស្តែងជិត ២០ឆ្នាំហើយ មិនដឹងថា ឯកឧត្តមអភិបាលខេត្ត បានជ្រាបរឿង នេះឬទេ? យើងខ្ញុំក៏បានទៅតវ៉ានៅសាលាខេត្ត ហើយខាងមន្ត្រីជំនាញក៏បញ្ជាក់មកវិញថា គ្រាន់តែដាក់តាមបែបបទរដ្ឋបាលប៉ុណ្ណោះ ម្យ៉ាងខាងជំនាញគេថាមានតែឈ្មោះបងឯងប៉ុន្មាននាក់គេមិនកាត់ឆ្វៀលឲ្យទេ ហើយពួកខ្ញុំក៏បានសួរដោយឆ្ងល់ថា ចុះដី ឧកញ៉ា លី ហាក់ ដែលមានព្រំជាប់ដីពួកខ្ញុំមានឈ្មោះតែម្នាក់ទេ កាត់ឆ្វៀលបានដល់ទៅ ៣២ហិកតាជាង មិនដូចដីពួកខ្ញុំអាស្រ័យផលជាក់ស្តែងជិត ២០ឆ្នាំ មានផ្នូរសាច់ញាតិ មានដំណាំ ដាំដុះ មានចិញ្ចឹមគោ លើដីតែ ៨ហិកតាជាងសោះ ហេតុអ្វីមិនអាចកាត់ឆ្វៀលបាន? នេះយើងខ្ញុំ
ប្រជាពលរដ្ឋគ្រាន់តែឆ្ងល់។ហើយប្រសិនបើខ្ញុំបាទនាងខ្ញុំអាងខ្នងអាងខ្សែជាជំទាវធំដូចមាត់មន្រ្តីនោះមួលបង្កាច់មែនម្ល៉េះសមខ្ញុំបាទនាងខ្ញុំកាត់ឆ្វៀលបានដូចឧកញ៉ា លី ហាក់ បាត់ហើយ ។

អាស្រ័យដូចបានជម្រាបជូនខាងលើ សូម ឯកឧត្តមអភិបាល មេត្តាផ្តល់ឱកាសឲ្យខ្ញុំបានចូលជួបបកស្រាយដោយផ្ទាល់ដើម្បីបង្ហាញឯកសារភស្តុតាង និងសុំការណែនាំពីឯកឧត្តម ដើម្បីអោយ ខ្ញុំបាទនាងខ្ញុំមានសិទ្ធិកាន់កាប់ស្របច្បាប់ ដូច ឧកញ៉ា លី ហាក់ ដែលមានដីជាប់របងខ្ញុំបាទនាងខ្ញុំ ស្ថិតនៅក្នុងតំបន់អនុក្រឹត្យ 116 អនក្រ.បក ចុះថ្ងៃទី០៥ ខែមិថុនា ឆ្នាំ២០១៦ ដូចគ្នា។🙏🙏🙏

សូម ឯកឧត្តមអភិបាល មេត្តាទទួលនូវការគោរពដ៏ខ្ពង់ខ្ពស់អំពីយើងខ្ញុំប្រជាពលរដ្ឋ។🙏🙏🙏

សូមថ្លែងអំណរគុណយ៉ាងជ្រាលជ្រៅបំផុតដល់សម្តេចតេជោពុកតែងតែយកចិត្តទុកដាក់ដល់ប្រជាពលរដ្ឋទូទាំងប្រទេស។ ក្រុមគ្រសារ ខ្ញុំបាទ នាងខ្ញុំ សច្ចាថា ដើរក្រោមការដឹកនាំដ៏ឈ្លាសវៃនិងមានព្រហ្មវិហារធម៌របស់សម្តេចតេជោពុកនិង
ស្ម័គ្រចិត្តបោះឆ្នោតជូនគណៈប្រជាជនមិនប្តូរចិត្តលុះក្ស័យ ព្រោះយើងខ្ញុំ ស្រលាញ់សន្តិភាព។ អរគុណសន្តិភាព!🙏🙏🙏🙏🙏🙏🙏🙏

ព័ត៌មានគួរចាប់អារម្មណ៍

ម្ចាស់បទ “ ចាបយំល្វើយ ” ថ្ងៃនេះមានកិត្តិយសមែនទែន ដោយ សម្តេច តេជោ ហ៊ុន សែន បានអញ្ញេីញឡើងជូនផ្កាឲ្យលើវេទិកាតែម្តង (ចាងហ្វាងកការផ្សាយ)

ព័ត៌មានគួរចាប់អារម្មណ៍

នារីវ័យ១៨ឆ្នាំម្នាក់​ ត្រូវក្រុមយុវជនពីរនាក់រំលោភបូក​រហូតសន្លប់​ កាលពីយប់មិញ​ ហេីយឃាត់ខ្លួនបានម្នាក់នៅពេលព្យាយាមរត់... (ចាងហ្វាងកការផ្សាយ)

ព័ត៌មានគួរចាប់អារម្មណ៍

រដ្ឋមន្ត្រីក្រសួងព័ត៌មាន ក្រើនរំឮកអ្នកសារព័ត៌មាន ត្រូវផ្សាយព័ត៌មាន ប្រកបដោយវិជ្ជាជីវៈ ក្រមសីលធម៌ និងប្រភពច្បាស់លាស់ ដែលជាអាវក្រោះការពារខ្លួន... (ចាងហ្វាងកការផ្សាយ)

ព័ត៌មានគួរចាប់អារម្មណ៍

ព្រោះតែការធ្វើអាជីវកម្មបានជីកកកាយយកដីលក់ ធ្វើឱ្យភ្នំជាច្រើននៅក្នុងភូមិសាស្ត្រខេត្តកំពត ស្ទើបាត់រូបរាងអស់ទៅហើយ (ចាងហ្វាងកការផ្សាយ)

ព័ត៌មានគួរចាប់អារម្មណ៍

រដ្ឋបា​លខេត្តស្ទឹងត្រែង​ បើកវេទិកា​រផ្សព្វផ្សាយ និងពិគ្រោះ​យោបល់របស់ក្រុមប្រឹក្សា​ខេត្ត សម្រាប់​អាណត្តិទី៣ ឆ្នាំ២​០១៩ នៅក្នុងស្រុកសៀម​ប៉ាង (សហការី)

វីដែអូ