តាមសម្តីរបស់ក្រុមមន្ត្រីរុស្ស៊ីដែលបានឲ្យដឹងកាលពីថ្ងៃអាទិត្យឲ្យដឹងថាមនុស្សទាំង៧១នាក់លើយន្តហោះដឹកអ្នកដំណើររបស់រុស្ស៊ីបានស្លាប់នៅពេលដែលយន្តហោះនេះបានធ្លាក់ ក្បែរទីក្រុងម៉ូស្គូ។ ការិយាល័យស៊ើបអង្កេតការដឹកជញ្ជូនរបស់រុស្ស៊ីបានឲ្យដឹងនៅក្នុងសេចក្តីថ្លែងការណ៍មួយថា «អ្នកដំណើរចំនួន៦៥នាក់និងក្រុមការងារ៦នាក់នៅលើយន្តហោះនោះបានស្លាប់ទាំងអស់»។យន្តហោះដែលមានអាយុកាល៧ឆ្នាំនេះ បានបាត់ដំណឹងពីរ៉ាដាប៉ុន្មាននាទី បន្ទាប់ពីហោះចេញពីអាកាសយានដ្ឋាន Domodedovo ដែលធំបំផុតទីពីរនៅក្នុងរដ្ឋធានី ហើយបានធ្លាក់ក្នុងល្បឿនរហូតដល់ទៅ៦៧០០ម៉ែត្រក្នុងមួយនាទីនៅពេលធ្លាក់។ នេះបើយោងតាមគេហទំព័រ FlightRadar24 ដែលជាគេហទំព័រតាមដានជើងហោះហើរ។យន្តហោះសម្រាប់ហោះហើរក្នុងតំបន់ប្រភេទ An-148 ដែលប្រតិបត្តិការដោយក្រុមហ៊ុនអាកាសចរណ៍ Saratov បានហោះហើរចេញពីអាកាសយានដ្ឋាន Domodedovo ទៅកាន់ទីក្រុង Orsk នៅពេលដែលយន្តហោះនោះបានធ្លាក់នៅក្បែរ តំបន់ Argunovo ដែលមានចម្ងាយប្រមាណ៨០គីឡូម៉ែត្រប៉ែកអាគ្នេយ៍ពីទីក្រុងម៉ូស្គូ។ ប្រធានាធិបតីរុស្ស៊ី លោក Vladimir Putin បានចូលរួមរំលែកទុក្ខដល់ក្រុមគ្រួសារអ្នកស្លាប់នៅក្នុងហេតុការណ៍ធ្លាក់យន្តហោះនោះ។ នេះបើយោងតាមអ្នកនាំពាក្យរបស់លោក គឺលោក Dmitry Peskov។ កន្លែងកើតហេតុមានព្រិលទឹកកកគ្រប់ដណ្តប់យ៉ាងក្រាស់ ដែលធ្វើឲ្យពន្យារពេលដល់ការចូលទៅកាន់តំបន់នោះ ខណៈដែលក្រុមការងារជួយសង្គ្រោះត្រូវចតរថយន្តរបស់ខ្លួនហើយធ្វើដំណើរដោយថ្មើរជើងទៅកាន់ទីនោះ។មូលហេតុនៃហេតុការណ៍នេះនៅមិនដឹងនៅឡើយទេ បើទោះបីជាក្រសួងដឹកជញ្ជូនរបស់រុស្ស៊ីនិយាយថា ខ្លួនកំពុងតែស៊ើបអង្កេតទៅលើករណីអាកាសធាតុមិនល្អនិងការធ្វេសប្រហែសរបស់អ្នកបើកបរយន្តហោះក៏ដោយ៕
ព័ត៌មានគួរចាប់អារម្មណ៍
ម្ចាស់បទ “ ចាបយំល្វើយ ” ថ្ងៃនេះមានកិត្តិយសមែនទែន ដោយ សម្តេច តេជោ ហ៊ុន សែន បានអញ្ញេីញឡើងជូនផ្កាឲ្យលើវេទិកាតែម្តង (ចាងហ្វាងកការផ្សាយ)
នារីវ័យ១៨ឆ្នាំម្នាក់ ត្រូវក្រុមយុវជនពីរនាក់រំលោភបូករហូតសន្លប់ កាលពីយប់មិញ ហេីយឃាត់ខ្លួនបានម្នាក់នៅពេលព្យាយាមរត់... (ចាងហ្វាងកការផ្សាយ)
រដ្ឋមន្ត្រីក្រសួងព័ត៌មាន ក្រើនរំឮកអ្នកសារព័ត៌មាន ត្រូវផ្សាយព័ត៌មាន ប្រកបដោយវិជ្ជាជីវៈ ក្រមសីលធម៌ និងប្រភពច្បាស់លាស់ ដែលជាអាវក្រោះការពារខ្លួន... (ចាងហ្វាងកការផ្សាយ)
ព្រោះតែការធ្វើអាជីវកម្មបានជីកកកាយយកដីលក់ ធ្វើឱ្យភ្នំជាច្រើននៅក្នុងភូមិសាស្ត្រខេត្តកំពត ស្ទើបាត់រូបរាងអស់ទៅហើយ (ចាងហ្វាងកការផ្សាយ)
រដ្ឋបាលខេត្តស្ទឹងត្រែង បើកវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត សម្រាប់អាណត្តិទី៣ ឆ្នាំ២០១៩ នៅក្នុងស្រុកសៀមប៉ាង (សហការី)
វីដែអូ